1. НИЙТЛЭГ ҮНДЭСЛЭЛ
- 1.1. karcher-mongolia.mn нь Симпли Клин ХХК -ийн интернэт худалдааны албан ёсны веб сайт бөгөөд энэхүү журам нь уг веб сайтаар үйлчлүүлэх, интернэт дэлгүүрээс худалдан авалт хийхтэй холбогдон үүсэх харилцааг зохицуулахад оршино.
- 1.2. Худалдан авагч нь энэхүү журамтай бүрэн танилцсаны үндсэн дээр худалдан авалт хийх ба үйлчилгээний нөхцөлийг зөвшөөрч баталгаажуулсны үндсэн дээр хэрэгжинэ.
2. ВЕБ САЙТ, ТҮҮНИЙ АЖИЛЛАГАА
- 2.1. karcher-mongolia.mn веб сайт нь зөвхөн интернэтээр худалдаа явуулах зорилготой байнгын ажиллагаатай веб сайт байна.
- 2.2. “karcher-mongolia.mn” худалдааны тэмдэгт нь Симпли Клин ХХК-ийн өмч байх бөгөөд энэхүү веб сайтын лого, нэр, загварыг хуулах, олшруулах, дуурайх, өөр бусад ямар нэгэн зүйлд ашиглахыг хориглоно.
- 2.3. Веб сайтын хөтлөлт, түүний аюулгүй байдал, веб сайтын худалдан авагчдын мэдээллийн нууцлалыг компани бүрэн хариуцна.
- 2.4. Интернэт дэлгүүрийн цагийн хуваарь:
| Хүргэлтийн өдөр | Хүргэлтийн цаг | Бараа захиалга |
| Даваа, Лхагва, Баасан (захиалга өгснөөс хойш ажлын 1-3 өдрийн дотор хүргэнэ) |
08.00-17.00 (Бямба, Ням гарагт амарна) |
24 цагийн ажиллагаатай ба барааны хүргэлтээс бусад бүх үйлчилгээ уг хугацаанд автоматаар хийгдэнэ. |
- 2.5. Компани веб сайтын мэдээллийн шинэчлэл, үнийн өөрчлөлт, хөнгөлөлт урамшуулал болон шинэ үйлчилгээний талаарх мэдээллийн үнэн зөвийг бүрэн хариуцна.
- 2.6. Худалдан авагч веб сайтын талаар санал гомдол, шинэ бараа захиалж авах хүсэлт, шинэ санал, шүүмжлэлийг веб сайт руу чөлөөтэй илгээх эрхтэй.
3. ИНТЕРНЭТ ХУДАЛДАА
karcher-mongolia.mn Интернэт веб сайтаар дамжуулан дараах бараа бүтээгдэхүүнүүдийг худалдаална. Үүнд:
- 3.1. Karcher брэндийн Гэр ахуйн бараа:
- 3.1.1. Дотор цэвэрлэгээнд зориулсан
- 3.1.2. Garden-нд зориулсан
- 3.1.3. Угаалгын шингэн бэлдмэл
- 3.2. Karcher брэндийн МЭРГЭЖЛИЙН бараа:
- 3.2.1. Салбар бүрд зориулсан төхөөрөмж
- 3.2.2. Үйлдвэрлэл, үйлчилгээний төхөөрөмж
- 3.2.3. Угаалгын шингэн бэлдмэл
- 3.3. ECOLAB брэндийн гэр ахуйн цэвэрлэгээний бэлдмэл
- 3.3.1. Гар ариутгал
- 3.3.2. Ариун цэврийн өрөөний цэвэрлэгээний бэлдмэл
- 3.3.3. Гадаргуу ариутгалын бэлдмэл, дагалдах хэрэгсэл
4. ҮНЭ, ТӨЛБӨР ТООЦОО
- 4.1. Веб сайтад байрласан барааны үнэ нь НӨАТ нэмэгдсэн эцсийн жижиглэн худалдаалах үнэ байна.
- 4.2. Худалдан авагч төлбөрөө дараах төлбөрийн сонголтуудаар хийх боломжтой.
- a. Qpay
- б. Банкны данс хоорондын шилжүүлгээр (барааны төлбөр компанийн дансанд орсон үед хүргэлт хийгдэнэ).
- 4.3. Худалдан авалт хийх үед агуулахын үлдэгдэл хүрэлцэхгүй байвал худалдан авагч барааны үнийн дүнгийн 30% хувийн урьдчилгааг онлайнаар төлж барааг захиалан авах боломжтой байна.
5. ХҮРГЭЛТ
- 5.1. Худалдан авсан барааг компанийн Интернэт дэлгүүрийн борлуулагч хүргэнэ.
- 5.2. Хүргэлт хийх өдрүүд: Даваа, Лхагва, Баасан гарагуудад ажлын цагаар.
/ Захиалга хүлээн авснаас хойш 1-3 хоногт багтаан сондгой тоотой өдрүүдэд хүргэлтийг хийнэ. Бямба, Ням гарагуудад хүргэлт хийгдэхгүй/.
- 5.3. Интернэт дэлгүүрийн барааны хүргэлт дараах төлбөртэй байна:
- a. Хотын А бүсэд бол 15,000 төгрөг
- б. Хотын А бүсээс бусад бүсэд бол 30,000 төгрөг
- 5.4. Хотын А бүсийн хязгаар
| Баруун зүгт | Зүүн зүгт | Хойд зүгт | Урд зүгт |
| – Баруун 4 зам | – Зүүн 4 зам | – 32-ын тойрог | – Зайсан |
6. БАРАА ХҮЛЭЭЛЦЭХ
- 6.1. Интернэт дэлгүүрийн борлуулагч барааг худалдан авагчид хүлээлгэн өгөхөөс өмнө бичиг баримтыг нь шалгана.
- 6.2. Интернэт дэлгүүрийн борлуулагч нь бүрэн бүтэн байдал, иж бүрдлийг нь сайтар шалгаж зарлагын падаан, баталгаат засварын хуудасны хамт худалдан авагчид хүлээлгэн өгнө.
- 6.3. Интернэт дэлгүүрийн борлуулагч зарлагын падаан дээр худалдан авагчаар гарын үсэг зуруулан нэг хувийг нь авна.
- 6.4. Нийтийг хамарсан цар тахал, хорио цээрийн үед тухайн үеийн нийтээр дагаж мөрдөх журам болон компанийн зүгээс тусгайлан тогтоосон дүрэм, журам, зааврыг баримтлан ажиллана.
7. БАРАА БУЦААХ НӨХЦӨЛ
- karcher-mongolia.mn нь Интернэт дэлгүүрээс худалдан авсан барааг хүргэлт хийгдэхээс өмнө буцаах тохиолдолд Интернэт худалдааны мэргэжилтэнтэй холбогдож буцаалт хийж болно. Энэ тохиолдолд Интернэтээр төлөгдсөн барааны төлбөрөөс 1-2%-ийн хураамжийг суутгаж авна.
- 7.1. Барааны буцаалт нь дараах шалтгаанаар 72 цагийн дотор хийгдэж болно.
- а. Сэтгэл ханамжийн баталгаат хугацаанд буцаагдах үед (хэмжээ нь том, жижиг, өнгө нь тохирохгүй) буцаах барааны оронд ижил төрлийн бараанаас сонгож дахин худалдан авалт хийнэ. Энэ тохиолдолд худалдан авагч хүргэлтийн 10,000₮ -г нэмж төлнө. Буцааж буй бараа шинэлэг байдлаа алдаагүй, хайрцаг сав, зөөлөвч хөөс, гарын авлага, дагалдах хэрэгсэл г.м бүгд бүрэн бүтэн байна.
- б. Бараа гэмтэлтэй тохиолдолд /үйлдвэрийн, тээвэрлэлтийн, хадгалалтын/ ижил бараагаар солих ба хүргэлтийн мөнгийг нэмж авахгүй.
8. УРАМШУУЛАЛ БА ХЯМДРАЛ
- 8.1. Веб сайт нь дараах тогтмол урамшууллыг үзүүлнэ Үүнд;
- а. Karcher брэндийн салбар дэлгүүрүүдэд бэлэгтэй, урамшуулалтай худалдаа явуулж байгаа үед Интернэт дэлгүүр мөн адил урамшуулалтай байна.
- б. Интернэт дэлгүүрийн бараа нь салбар дэлгүүрүүдийн үнээс 3% хямд байна.
9. ИНТЕРНЭТ ДЭЛГҮҮРТЭЙ ХОЛБОО БАРИХ
- 9.1. Интернэт дэлгүүр нь худалдан авагч, гишүүдтэйгээ байнгын холбоо тогтоож, заавар зөвлөж, тусламж үйлчилгээг цаг алдалгүй хүлээн авч шийдвэрлэнэ.
Үүнд:- а. Суурин утсаар холбогдох – 77334448, Гар утас – 94118133, 95008133
- б. Веб сайтын чатаар
- в. Facebook, Twitter-ийн хуудсаар